ТР Җир һәм мөлкәт мөнәсәбәтләре министрлыгы 2025 елда башкарылган Комплекслы кадастр эшләре турында аңлата
Татарстан Җир һәм мөлкәт мөнәсәбәтләре министрлыгы Комплекслы кадастр эшләрен уздыру турында еш бирелә торган сорауларга җаваплар әзерләде.
2025 елның 1 гыйнварыннан «Кадастр эшчәнлеге турында» 2007 елның 24 июлендәге 221-ФЗ номерлы Федераль законның 42.2 статьясына Комплекслы кадастр эшләрен финанслауның һәм заказчыларны билгеләүнең яңа тәртибен билгеләүче үзгәрешләр үз көченә керде. Хәзер эшләр финанслау чыганагына карап, федераль, төбәк һәм җирле әһәмияттәге өч категориягә бүленә.
Федераль әһәмияттәге Комплекслы кадастр эшләре республика территориясендә 2025 елның 1 гыйнварыннан 31 декабренә кадәр, ә төбәк әһәмиятендәгеләре 2025 елның 5 апреленнән 1 декабренә кадәр үткәрелә.
Комплекслы кадастр эшләре җир кишәрлекләре милекчеләре өчен бушлай башкарыла.
Кем үткәрәчәк?
Быел «Роскадастр» гавами-хокукый компаниясенең ТР буенча филиалы республика территориясендә түбәндәге Комплекслы кадастр эшләре үткәрә:
- Росреестр белән төзелгән килешү кысаларында федераль бюджет акчалары исәбеннән 150 кадастр кварталына карата федераль әһәмияттәге;
- Татарстан Республикасы Җир һәм мөлкәт мөнәсәбәтләре министрлыгы белән төзелгән дәүләт контракты кысаларында Татарстан Республикасы бюджеты акчалары исәбеннән 68 кадастр кварталына карата региональ әһәмиятле.
Комплекслы кадастр эшләре барышында федераль һәм төбәк әһәмиятендәге 100 меңнән артык күчемсез милек объектының чикләрен төгәлләштерәчәкләр.
Ни өчен үткәрергә кирәк?
Комплекслы кадастр эшләре Россия төбәкләрен үстерүгә юнәлдерелгән «Ил күләм пространство белешмәләре системасы» дәүләт программасын гамәлгә ашыру максатларында башкарыла.
Төп максаты — Бердәм дәүләт күчемсез мөлкәт реестрына төгәл белешмәләр кертү өчен җир кишәрлекләре, биналар, корылмалар һәм төгәлләнмәгән төзелеш объектлары чикләренең урнашу урынын ачыклау. Өстәмә рәвештә мәгълүматларны эшкәрткәндә реестр хаталары ачыклана һәм төзәтелә.
«Кадастр эшчәнлеге турында» 2007 елның 24 июлендәге 221-ФЗ номерлы Федераль закон (алга таба — Кадастр эшчәнлеге турындагы Федераль закон) һәм «Күчемсез милекне дәүләт теркәвенә алу турында" 2015 елның 13 июлендәге 218-ФЗ номерлы Федераль закон Комплекслы кадастр эшләре уздыруның хокукый нигезе булып тора.
Комплекслы кадастр эшләре нинди территорияләр һәм объектларга уздырыла?
Кадастр эшчәнлеге турындагы Федераль законның 42.1 маддәсе нигезендә, Комплекслы кадастр эшләре бер яки берничә чиктәш кадастр кварталлары территориясендәге барлык объектларга карата бер үк вакытта үткәрелә.
Алар үз эченә ала:
- ЕГРНдагы белешмәләре чикләрне тасвирлауга билгеләнгән таләпләргә туры килмәгән җир кишәрлекләрен;
- аерым документлар нигезендә төзелергә тиешле җир кишәрлекләрен;
- ЕГРНда белешмәләре булган биналар, корылмалар (бер линиядәге объектлардан тыш) һәм төгәлләнмәгән төзелеш объектларын.
Безнең территориядә Комплекслы кадастр эшләре кайчан үтәләчәген ничек белергә?
Быел бюджет акчалары исәбеннән федераль һәм төбәк әһәмиятендәге Комплекслы кадастр эшләре уздырыла торган кадастр кварталлары турында мәгълүмат Татарстан Республикасы муниципаль берәмлекләренең, ТР буенча Росреестр идарәсенең, ТР Җир һәм мөлкәт мөнәсәбәтләре министрлыгының рәсми сайтларында (https://mzio.tatarstan.ru/provedenie-kompleksnih-kadastrovih-rabot.htm) урнаштырылган.
Агымдагы елда Комплекслы кадастр эшләре чараларында кызыксындырган кадастр кварталы булмаган очракта, киләсе елларда кадастр кварталын кертү мөмкинлеге мәсьәләсен карау өчен, ТР Җир һәм мөлкәт мөнәсәбәтләре министрлыгына мөрәҗәгать җибәрергә киңәш итәбез.
Шунысына игътибар итүегез сорала, элек Комплекслы кадастр эшләре үтәлеше территориясе булган кадастр кварталы (кварталлары) территориясендә кабат Комплекслы кадастр эшләре үткәрү рөхсәт ителмәячәк.
Нәтиҗәсе нинди булыр?
Комплекслы кадастр эшләренең үтәлеше нәтиҗәсе:
1) җир кишәрлекләре чикләренең урнашу урынын төгәлләштерү;
2) төзелеп бетмәгән биналарның, корылмаларның, объектларның җир кишәрлекләрендә урнашу урынын билгеләү яисә төгәлләштерү;
3) гомуми файдаланудагы корылмалар, җир кишәрлекләре биналар урнашкан җир кишәрлекләре барлыкка килү;
4) җир кишәрлекләре чикләренең һәм биналар, корылмалар, тәмамланмаган төзелеш объектлары контурларының урнашу урыны турындагы ЕГРН белешмәләрендәге реестр хаталарын төзәтү.