2025 ел нәтиҗәләре
• 2025 елда электрон мәгълүматлар базасына гомуми күләме 32,4 Гб булган 3317 материал кертелгән. Пространство белешмәләрен алуга 29 гариза кабул ителгән, гавами сервитут билгеләү турында 84 үтенечнамә каралган.
• ТР Пространство белешмәләре фондында географик объектларның атамалары каталогын татар телендә актуальләштерү эшләре дәвам итә. Пространство белешмәләре Федераль фондының соңгы мәгълүматлары буенча, каталогта рус телендә 4 664 географик объект исәпләнә. Шулардан 4 630 объектның татар теленә тәрҗемәләре табылган, бу гомуми күләмнең 99 % составляет тәшкил итә, калган объектлар буенча эш әле дә дәвам итә.
• 2025 елда ТР Пространство белешмәләре фонды белгечләре, республиканың ике шәһәр округын да кертеп, барлык муниципаль районнарында да, гомуми мәйданы 1,54 млн гектарга якын булган, урман утыртмаларын цифрлаштыру эшләрен төгәлләделәр.
• 2025 ел дәвамында ТР Пространство белешмәләре фонды тарафыннан 65 генераль план проекты эшләнде, җирдән файдалану һәм төзелеш кагыйдәләренең (ПЗЗ) 85 проекты расланды һәм Бердәм дәүләт күчемсез милек реестрына (ЕГРН) тиешле үзгәрешләр кертелде.
• Фонд махсус сакланылучы табигать территорияләренең (ООПТ) һәм аларның саклану зоналарының чикләрен төгәлләштерү өстендә актив эш алып бара. Хәзерге вакытта 154 чик килештерү һәм раслау стадиясендә.
• Шулай ук ТР Пространство белешмәләре фонды белгечләре аучылык җирләренең чикләрен билгели. 2025 елда Татарстан Республикасының 80 аучылык хуҗалыгы расланды.
• Бердәм килештерүләр Кабинеты (ЕКС) эшли башлауның беренче елында ук уңай тенденцияләр күзәтелә: 100 дән артык гариза кабул ителгән һәм каралган. Шулай ук Фонд тарафыннан Бердәм килештерүләр Кабинеты ресурсларыннан һәм функционалыннан файдалану өчен катнашучылар белән үзара хезмәттәшлек турында 197 килешү төзелгән.