ТР Җир һәм мөлкәт мөнәсәбәтләре министры Фәнил Әһлиуллин Апас районында булды

2025 елның 25 сентябре, пәнҗешәмбе

ТР Җир һәм мөлкәт мөнәсәбәтләре министры Фәнил Әһлиуллин Апас муниципаль районына эш сәфәре кылды.

Эш сәфәре кысаларында министр:

• Милек һәм җир мөнәсәбәтләре палатасы эше белән танышты.
• Бишенче чакырылыш Апас муниципаль районы Советы утырышында катнашты.

Җыелышта катнашучыларны сәламләгәннән соң, Фәнил Әһлиуллин оештыручыларга һәм район халкына күптән түгел булган сайлауларда актив катнашулары өчен рәхмәт белдерде.

Министр, Татарстанда гамәлгә ашырыла торган программаларның төп бурычы ул — урыннарда социаль һәм инфраструктура мәсьәләләрен комплекслы хәл итүдә, дип аерым басым ясады.

ТР Җир һәм мөлкәт мөнәсәбәтләре министрлыгы матбугат хезмәте