Дәүләт Думасы I укылышта авыл хуҗалыгы җирләре чикләре турында закон проектын кабул итте
РИА Новости хәбәр иткәнчә, Дәүләт Думасы пленар утырышта I укылышта авыл хуҗалыгы билгеләнешендәге җирләр составындагы авыл хуҗалыгы җирләренең чикләре турындагы белешмәләрне бердәм дәүләт күчемсез милек реестрына (ЕГРН) кертергә тәкъдим ителә торган закон проектын кабул итте.
Хәзерге вакытта, сөрүлекләр, печәнлекләр, көтүлекләр, бакчалар, йөзем бакчалары кергән авыл хуҗалыгы җирләренең чикләре турында белешмәләр, авыл хуҗалыгы билгеләнешендәге җирләр һәм башка категориядәге җирләр составында авыл хуҗалыгы алып бару өчен файдаланыла торган җирләр турында бердәм федераль инфосистемага гына кертелә.
Проектка озата баручы документларда ЕГРНда алар турында белешмәләр булмау, авыл хуҗалыгы билгеләнешендәге җирләрнең нигезсез рәвештә башка категория җирләренә кертелүенә, торак пунктлар чикләренә кертелүенә, төзелеш өчен бирелүенә китерергә мөмкин, дип билгеләп үтелә.
Әлеге закон проекты күчемсез мөлкәт белән операцияләр һәм исәпкә алу-теркәү гамәлләрен башкарганда авыл хуҗалыгы җирләренең хокукый режимы үзенчәлекләрен исәпкә алырга мөмкинлек бирәчәк.