Татарстан Росреестры җир кишәрлекләрен файдаланмау билгеләре буенча кайнар линия үткәрәчәк

2025 елның 10 сентябре, чәршәмбе

Ел ахырына кадәр Татарстан Росреестры җир кишәрлекләре хуҗалары өчен торак пунктларда, бакча һәм яшелчә ширкәтләрендә җир кишәрлекләреннән файдаланмау билгеләренә багышланган кайнар линияләр үткәрәчәк.

Беренче кайнар линия 11 сентябрьдә 10 сәгатьтән 12 сәгатькә кадәр узачак.

Кайнар линия барышында ведомство экспертлары җирдән файдаланмауның яңа критерийларын куллану тәртибе турындагы сорауларга җавап бирәчәк. Мәсәлән:

• Нинди билгеләр җир кишәрлекләренең максатчан билгелеләнеше һәм рөхсәт ителгән файдалану төре белән кулланылмавы турында сөйли;
• әгәр участок объектив сәбәпләр аркасында вакытлыча кулланылмаса (мәсәлән, нәселдә бәхәсләр яисә суд дәгъвалары булса) нишләргә?;
• участоктан максатчан файдалануны ничек расларга һ. б.

Кызыксындырган сорауларыгызны Казанда (843) 255 25 71 телефон номеры аша бирә аласыз. Республика районнарындагы белгечләрнең телефоннарын Татарстан Росреестры сайтының «Гражданнар мөрәҗәгатьләре» - «Кайнар линияләр» бүлегеннән карап белергә мөмкин.