ТР Җир һәм мөлкәт мөнәсәбәтләре министрлыгында Луганск Халык Республикасы делегациясе белән очрашу узды
Татарстан Республикасы Җир һәм мөлкәт мөнәсәбәтләре министрлыгында Луганск Халык Республикасы делегациясе белән эшлекле очрашу узды. Чара барышында министрлык вәкилләре эшчәнлекнең төп юнәлешләре турында сөйләделәр, эш нәтиҗәләрен күрсәттеләр һәм үсеш перспективалары белән уртаклаштылар. Очрашу ахырында Луганск Халык Республикасы вәкилләре министрлык бүлекчәләрендә булдылар, анда белгечләр үз юнәлешләре буенча тәҗрибә уртаклаштылар.
“Мондый очрашулар тәҗрибә уртаклашырга һәм эшебезне күрсәтергә генә түгел, ә тармакның иң актуаль мәсьәләләре буенча конструктив диалогны җайга салырга да мөмкинлек бирә. Ачыктан ачык сөйләшү һәм һөнәри якын килү — Җир һәм мөлкәт мөнәсәбәтләре өлкәсендәге бурычларны нәтиҗәле хәл итүнең нигезе” — дип ассызлыклады ТР Җир һәм мөлкәт мөнәсәбәтләре министры Фәнил Әһлиуллин.