Казан Экспода Татарстанның нефть чыгаручы районнарның экологик куркынычсызлыгы буенча түгәрәк өстәл оештырылды
Кичә А.И. Щеповских исемендәге «Сәнәгать экологиясе һәм куркынычсызлыгы» XIX Бөтенроссия фәнни-гамәли конференциясе кысаларында түгәрәк өстәл уздырылды, анда Татарстан Республикасының нефть чыгаручы районнарында шәһәр төзелеше эшчәнлеген гамәлгә ашырганда экологик һәм сәнәгать куркынычсызлыгын тәэмин итү турында фикер алыштылар. Чараны Татарстанның Экология һәм табигать ресурслары министрлыгы белән Пространство белешмәләре фонды оештырды.
Нефть чыгару объектларын эксплуатацияләгәндә экологик һәм сәнәгать куркынычсызлыгы, нефть ятмаларын төзекләндерү объектларын урнаштыруны планлаштыру, аларны эксплуатацияләү темасына нотыклар белән, шулай ук нефтьле икенчел ресурсларны классификацияләү буенча методик тәкъдимнәр белән Пространство белешмәләре фонды, ТатНИПИНефть, “Геомониторинг” ҖЧҖ вәкилләре, шулай ук В.Д. Шашин исемендәге “Татнефть” ГАҖ әйләнә-тирә мөһиткә һәм җир ресурсларына йогынтыны анализлау, бәяләү өчен җаваплы бүлекчәләр җитәкчеләре чыгыш ясады.
Иң яхшы докладлар өчен спикерларга Щеповских исемендәге дипломнар һәм медальләр тапшырылды.
Хезмәттәшләребезне котлап, катнашуыгыз өчен рәхмәт белдерәбез!