Пространство белешмәләре фонды беренче яртыеллыкта башкарган эш йомгаклары буенча хисап бирде
Агымдагы елның беренче яртыеллыгында Татарстан Республикасы Пространство белешмәләре фондының электрон мәгълүмат базасына республиканың дәүләт хакимияте органнары, аларның ведомство буйсынуындагы учреждениеләре, җирле үзидарә органнары һәм юридик затлар тарафыннан оештырылган 335 геодезия һәм картография эшләре материалы кертелде. Аларның күп өлеше - генераль планнар һәм җирдән файдалану һәм төзелеш кагыйдәләре (ПЗЗ).
Фондны һәм каталогны алып бару бүлеге белгечләре тарафыннан физик, юридик затлардан һәм дәүләт хакимияте органнарыннан пространство белешмәләре алуга гаризалар алынып эшкәртелде, картографик материаллары булган республиканың 7 норматив-хокукый акты (сервитутлар) проектлары тикшерелде.
Татарстан Республикасының географик объектлары атамалары каталогы өстендә дә эш дәвам итә. Бүгенге көндә каталогта рус телендә 4 638 атама бар, шулардан 4 359 – объект татар телендә һәм 362 объект – торак пункт территориясендә тупланып яшәүче халыкларның милли телләрендә билгеләнгән (чуаш телендә – 245, удмурт телендә – 72, мордва телендә – 14, мари телендә – 31).
Калган географик объектлар хәзерге вакытта республика районнарына запрослар белән төгәлләштерелә, аннары атамаларны бергәләп анализлау һәм төгәлләштерү өчен каталогны Татарстан Республикасы Фәннәр академиясенә җибәрү планлаштырыла.
Татарстан Республикасы Җир һәм мөлкәт мөнәсәбәтләре министрлыгы йөкләмәсе буенча Пространство белешмәләре фонды тарафыннан республика буенча генераль планнарны һәм ПЗЗНЫ инвентаризацияләү процессы алып барыла. Бүгенге көндә 754 муниципаль берәмлек составына керүче барлык торак пунктларның чикләре Бердәм дәүләт күчемсез милек реестрына кертелгән. Төрле проект оешмаларында 110 генераль план проекты эшләнелә, тагын 49ы - чиратта.
Җирдән файдалану һәм төзелеш кагыйдәләренә килгәндә, 2 квартал ахырына 308 муниципаль берәмлек составына керүче барлык территориаль зоналарның чикләре ЕГРНга кертелде. Төрле проектлы оешмаларда 119 ПЗЗ проекты эшләнелә.
Моннан тыш, Фонд адресына закон таләпләрен тикшерү өчен 15 генераль план, 3 территориаль планлаштыру схемасы, 1 мастер-план, 17 территорияне планлаштыру проекты, ТР муниципаль берәмлекләре (Түбән Кама, Менделеевск, Алабуга районнары) чикләренә үзгәрешләр кертү буенча 3 закон проекты, газ бүлү челтәрләренең 107 саклау зонасы алынды.