Татарстан районнарының шәһәр төзелеше документларын әзерләү сораулары буенча киңәшмә
Бүген ТР Пространство белешмәләре фондында ВКС режимында шәһәр төзелеше документларын әзерләү сораулары буенча районнарның башкарма комитетлары белән уртак киңәшмә узды. Очрашуда ТР Җир һәм мөлкәт мөнәсәбәтләре министры урынбасары Алмаз Кыямов та катнашты.
Хәзерге вакытта Фонд тарафыннан татар телендә географик атамалар каталогын тулыландыру һәм яңарту эшләре башкарыла. Аңа кадәр районнарга атамаларны төгәлләштерү өчен хатлар җибәрелгән иде, күпчелегеннән җаваплар кайтарылды. Әмма 17 район бу эшне әле дә тәмамламаган - Әгерҗе, Арча, Бөгелмә, Биектау, Алабуга, Кукмара, Лаеш, Мөслим, Түбән Кама, Балык Бистәсе, Сарман, Спас, Теләче һәм Ютазы районнары.
Катнашучылар ПЗЗ проектларын тәмамлау өчен таләпләрне, районнарның территориаль планлаштыру схемаларына үзгәртүләр кертүгә комачаулаган искәрмәләрне карап чыкты.
Районнар игътибарын шәһәр төзелешен эшләүгә башка разработчиклар белән килешү төзү яисә җирле боерыклар булу турында Фондка хәбәр итәргә кирәклегенә юнәлдерделәр. Әлеге белешмәләр генплан һәм ПЗЗ эшләүгә мохтаҗ булган җирлекләр исемлеген актуальләштерү өчен кулланыла.