Татарстанда шәһәр төзелеше вәкаләтләренең бер өлешен республика дәрәҗәсенә тапшырмакчылар
Татарстанда җирлекләрнең, муниципаль районнарның һәм шәһәр округларының шәһәр төзелеше эшчәнлеге өлкәсендәге 19 вәкаләтләрен республикага тапшырмакчылар. Әлеге закон проекты ТР Дәүләт Советының торак сәясәте һәм инфраструктура үсеше буенча комитетның утырышында каралды.
Ул шәһәр төзелеше документларын әзерләү һәм әлеге эшчәнлекнең бердәм стандартларын тәэмин итү өлкәсендә нәтиҗәле эш өчен булдырылды. Депутатлар фикеренчә, мондый күчеш республика территориясендә территориаль планлаштыру, шәһәр төзелешен зоналау һәм төзелеш барышында бердәм сәясәтне гамәлгә ашырып, районнарда шәһәр төзелеше документларын вакытында һәм сыйфатлы итеп актуальләштерергә мөмкинлек бирәчәк.
Документта хәзерге вакытта муниципаль берәмлекләрнең күпчелегендә шәһәр төзелеше документлары эчтәлеге буенча искерүе һәм закон таләпләренә туры килмәве турында да искәртелә.
Муниципалитетлардан түбәндәге вәкаләтләрне дәүләт исәбенә алу тәкъдим ителә:
- районда территориаль планлаштыру схемаларын әзерләү турында карар кабул итү;
- җирлекнең территориаль планлаштыру һәм шәһәр төзелешен зоналау турындагы бердәм документны әзерләү һәм раслау;
- җир кулланылышы һәм төзелеш кагыйдәләрен әзерләү турында карар кабул итү, раслау;
- шәһәр төзелешен проектлауның җирле нормативларын әзерләү һәм раслау;
- җир участогының , капиталь төзелеш объектыныд куллану төренең шартлы рөхсәтенә, рөхсәт ителгән төзелешнең яисә капиталь төзелеш объектының чик параметларыннан тайпылуга рөхсәт бирү;
- территорияне планлаштыру буенча документлар әзерләү турында карар кабул итү һәм аларны раслау;
- капиталь төзелеш объектларын төзүгә һәм куллануга кертүгә рөхсәт бирү;
- җир участогының шәһәр төзелеше планын әзерләү, теркәү һәм тапшыру;
- территориянең комплекслы үсеше турында карар кабул итү һәм андый килешүләр төзү;
- шәһәр төзелеше эшчәнлеген тәэмин итү буенча дәүләт мәгълүмати системаларын алып бару һәм әлеге системада булган документларны, материалларны тапшыру.
Шул ук вакытта җирле үзидарә органнары карамагында шәһәр төзелеше эшчәнлеген алып бару буенча иҗтимагый тыңлаулар, территорияләрнең комплекслы үсеше программаларына күпквартиралы йортларны кертү сораулары буенча гомуми җыелыглар үткәрү буенча вәкаләтләр калачак.