KDW – 2023 катнашучылары тәкъдимнәре Фондта узган семинар кысаларында каралды

2023 елның 3 октябре, сишәмбе

Татарстан Республикасы Пространство белешмәләре фондында Kazan Digital Week — 2023 Халыкара форумы нәтиҗәләренә багышланган хезмәткәрләр өчен семинар үтте. Доклад белән пространство идарәсе җитәкчесе Петр Белов чыгыш ясады.

Презентациядә төп тезислар, күргәзмәнең тематик юнәлешләре һәм статистик белешмәләр күрсәетлде. Петр Николаевич шулай ук аерым стендларга һәм тәкъдим ителгән махсус техник чараларга да игътибар бирде. Төрле юнәлеш буенча инновацияле цифрлы карарлар, технологияләр һәм продуктлар эшләп чыгару, иңдерү һәм үстерү буенча белгечләр һәм экспертлар эшләре нәтиҗәләрен берләштергән резолюция дә җентекләп каралды.