«Геодезия һәм геомәгълүмати системаларының актуаль сораулары» халыкара конференциясендә катнашырга чакырабыз

2023 елның 10 августы, пәнҗешәмбе

31 августта һәм 1 сентябрьдә Татарстан нефтегазохимия форумы кысаларында “Геодезия һәм геомәгълүмати системаларының актуаль сораулары” ХII Халыкара фәнни-гамәли конференция узачак. Чараның оештыручылары – ТР Министрлар Кабинеты, ТР Җир һәм мөлкәт мөнәсәбәтләре министрлыгы, Казан федераль университеты һәм “Казан Экспо” МКҮ.

Конференция кысаларында докладлар тыңлап, түбәндәге сорауларны карап чыгу планлаштырыла:

• Геодезия, кадастр эшләрен, геомәгълүмати системаларын булдыруның заманча югары төгәллекле координата-вакытлы тәэмин итү өлкәсендә дәүләт сәясәте;
• Цифрлы икътисадта заманча геодезия инфраструктурасы, геопространство технологияләре һәм пространство белешмәләре роле һәм урыны. Максатлар һәм проблемалар;
• Территориянең геодезия инфраструктурасын булдыру, куллану һәм үстерү проблемалары, перспективалары;
• Бердәм электро картография нигезен булдыру һәм алып бару сораулары, бурычлары;
• Федераль, региональ, ведомство, өлкә пространство белешмәләре фондларын, геобелешмәләр белән метабелешмәләр базаларын булдыру, алып бару һәм үстерү;
• Гамәли мәсьәләләрне чишүдә заманча геодезия инфраструктурасын, геомәгълүмати технологияләрен, пространство белешмәләрен һәм сервисларын куллану тенденциясе;
• Кадастр, инженер эзләнүләре һәм шәһәр төзелеше бурычларын чишү өчен пилотсыз очу аппаратлары технологияләрен куллану. Төп аспектлары, тенденцияләре;
• Геодезия, геоинформатика, картография һәм Җирне дистанцион зондлау буенча кадрлар әзерләү, аларның квалификациясен үстерү системасының бүгенге торышы, үстерү перспективалары һәм башкалар.

Конференция узу урыннары:

- 31 августта “Казан Экспо” МКҮ конференц-залының 8 залында (ТР, Лаеш районы, Олы Кабан авылы, Выставочная ур., 1);

- 1 сентябрьдә КФУның Шәһәр астрономия обсерваториясендә һәм В.П.Энгельгардт ис. Астрономия обесрваториясендә (Яшел Үзән районы, Октябрьский ур, АОЭ ур, 7, Планетарий).

Конференциядә катнашу бушлай.

Доклад белән катнашу өчен 15 августка кадәр Rasul.Giniatullin@tatar.ru электрон почтасына заявка (ФИО, оешма, вазифа, телефон, факс, эл.почта, эш урыны адресы, доклад темасы) һәм докладның үзен юнәлдерү мәҗбүри.

Тыңлаучы буларак катнашу өчен 31 августка кадәр сылтама буенча теркәлү сорала: https://registration.kazanexpo.ru/join/82e25f4dace615c2372998707a2ac310