Мәскәүдә узган конференциядә Фондның алдынгы эш юнәлешләре турында сөйләделәр
16 июньдә Мәскәүдә юридик фәннәр докторы, профессор О.Л.Дубовик истәлегенә "Экология, җир һәм аграр хокук үсешенең заманча тенденцияләре" VI Халыкара фәнни-гамәли конференциясе үзде. Аны Россия фәннәр академиясенең Дәүләт һәм хокук Институты оештырды.
Әлеге чара әйләнә-тирәне саклау проблемаларына, әлеге өлкәдә хокук бозулар өчен каралган җаваплылык темасына багышланды. Конференциядә Фондның проектлар әзерләү бүлегенең экологик ярдәм секторы җитәкчесе Татьяна Копотева да катнашты. Ул "Генераль планнар эшләү: хокукый проблемалар һәм аларны чишү юлларын эзләү" темасына доклад белән чыгыш ясады.
Очрашуда Фонд эшчәнлеге һәм әйләнә-тирәне саклау өлкәсендә оешманың төп эш юнәлешләре каралды, табигатьне саклауга каралган законнарда бушлыклар пәйда булу проблемалары һәм аларны хәл итү юллары күтәрелде.