Кукмара районының 4 авыл җирлеге генераль планнары тулысынча әзер
Татарстан Республикасы Пространство белешмәләре фонды белгечләре тарафыннан муниципаль районнарның генераль планнарын, җир кулланылышы һәм төзелеше кагыйдәләрен эшләп чыгару, шулай ук шәһәр төзелеше документларын тикшерү дәвам итә.
Узган атнада Фондның проектлар әзерләү бүлеге тарафыннан Кукмара районының 4 авыл җирлеге генераль планнары эшләнелеп бетте. ФГИС ТП сайтына Тукай районы Түбән Суыксу авыл җирлеге генпланы материаллары урнаштырылды. Районнарга тикшерү һәм килештерү өчен Лаеш районы Сокуры авыл җирлеге, Югары Ослан районы Октябрь авыл җирлеге, Чирмешән районы Ульяновка авыл җирлеге генераль планнары җибәрелде.
Шулай ук 14 апрельдә Кукмара шәһәре һәм Лубян авыл җирлеге генераль планнары буенча Кукмара районы һәм ТР Урман хуҗалыгы министрлыгы белән берлектә ТР Пространство белешмәләре фондында уртак киңәшмә узды.
Исегезгә төшерәбез, шәһәр төзелеше документларын әзерләү буенча сорауларга безнең кураторлар җавап бирә ала, аларның контактларын әлеге сылтама аша карый аласыз: https://fpd.tatarstan.ru/kuratori-razrabotki-gradostroitelnoy-dokumentatsii.htm