ТР Пространство белешмәләре фондында Мордовиядән килгән коллегалар белешмәләр җыю тәҗрибәсен өйрәнде
Бүген "Татарстан Республикасы Пространство белешмәләре фондына" эшлекле визит белән Мордовия Республикасының җир һәм мөлкәт мөнәсәбәтләре министры Андрей Мищенко һәм аның урынбасары Марат Кадыров килде.
Очрашу максаты - региональ пространство белешмәләре фондын алп бару буенча тәҗрибә белән уртаклашу. Хезмәттәшләргә Татарстан булдырылган бердәм пространство белешмәләрен саклау һәм тапшыру структурасының төп принциплары, шулай ук хаталы һәм үз-үзенә каршы килүче белешмәләрне кулланмау өчен материалларны тикшерү методлары турында сөйләделәр.
Җитәкчеләр Фондның төп җитештерү юнәлешләре белән дә танышты - шәһәр төзелеше документлары эшләү, региональ электрон картографик нигезне алып бару, җыелма җир асты коммуникацияләре планын булдыру һәм башкадар. Кунакларның аермы игътибарын стереофотограмметрик комплекс җәлеп итте - ул территориянең бердәм 3D-стереомоделен күрсәтү һәм аның белән эшләү өчен кулланыла.
Очрашу нәтиҗәсендә җитәкчеләр Мордовия Республикасында пространство белешмәләре һәм территориаль планлаштыру өлкәсендә алга таба хезмәттәшлек итү турында килештеләр.