Районнар белән шәһәр төзелеше документларын әзерләү сораулары буенча киңәшмә
Бүген "Татарстан Республикасы Пространство белешмәләре фонды" ДБУ һәм районнарның башкарма комитетларының шәһәр төзелеше документларын әзерләү сораулары буенча чираттагы уртак киңәшмә узды.
Видеокиңәшмәгә шулай ук Татарстан Республикасы Җир һәм мөлкәт мөнәсәбәтләре министрлыгы, республиканың муниципаль берәмлекләр Ассоциациясе һәм Росреестр идарәсе вәкилләре дә кушылды.
2022 елда Фонд һәм районнар арасында геодезия һәм картография эшләрен башкару нәтиҗәсендә алынган пространство белешмәләрен тапшыру буенча килешү төзелде. Әлеге материалларны архив рәвешендә яисә йөкләү өчен сылтама белән электрон документ системасы аша Фондка җибәрергә кирәк. Шулай ук районнар территорияләрендә булган барлык инженер һәм коммуналь инфраструктура объектлары буенча мәгълүматны тапшырырга тиеш (су белән тәэмин итү объектлары гына түгел).
Генераль планнар эшләү өчен кирәкле беренчел документларга килгәндә, әлеге эш барлык районнар тарафыннан да төгәлләнде, анкеталар 100% тутырылды. Презентациядә җәмәгать тыңлауларын вакытында билгеләргә һәм терзоналар турындагы белешмәләрне Кадастр Палатасына җибәрергә тиешле районнар исемлеге дә күрсәтелде.
Катнашучылар районнарның территориаль планлаштыру схемаларына үзгәртүләр кертү юлы белән торак пункт чикләрен билгеләү эшләрен карап чыкты: хәзерге вакытта ЕГРНга 654 чик урнаштырылган, тагын 45 чикне ФКП тикшерә. Норлат районында СТП аша, Кукмара һәм Балык Бистәсе районнарында генпланнар аша урман бистәләре чикләрен билгеләү дәвам итә.
Презентацияне сылтама аша карап була: https://fpd.tatarstan.ru/2023-god.htm