Пространствода идарә итү

2022 елның 15 декабре, пәнҗешәмбе

Бүген “Татарстан Республикасы Пространство белешмәләре фонды” ДБУ хезмәткәрләре “Пространствода идарә итү” цифрлы платформасы эшчәнлеге белән танышты (ЭВМ һәм БД өчен россия программалары бердәм реестрына кертелгән). Әлеге продукт идарә итү каралары кабул итү өчен кулланыла торган ясалма интеллект һәм алдынгы аналитика кушылмасы булып тора.

Платформа презентациясен Мәгълүмати технологияләр бюросы” ҖЧҖ проект төркеме җитәкчесе Максим Трунов үткәрде. Ул пространство белешмәләрен йөкләү, анализлау, модельләү, аларны саклау һәм интерактив, шул исәптән, картографик рәвештә дә карау мөмкинлекләре турында сөйләде.