РФ субъектлары арасындагы чикне билгеләү турындагы беренче килешү расланды

2021 елның 24 декабре, җомга

Бүген алтынчы чакырылыш Татарстан Республикасы Дәүләт Советының егерме сигезенче утырышы ачылды. Көн кадагына 17 сорау күтәрелде, шуларның берсе - 2021 елның 24 ноябрендә төзелгән 41-56-с номерлы РФ субъектлары - Татарстан Республикасы һәм Оренбург өлкәсе арасындагы чикне билгеләү турындагы Килешү бертавыштан расланды.

«Бу эш барлык регионнар белән дә алып барыла. Барлык бәхәсле сорауларны чишәбез. Җир һәм мөлкәт мөнәсәбәтләре министрлыгына афәрин: теманы үз җаваплыгына алдылар, кирәкле эш. Барлык анклав, бәхәсле сорауларны чишеп бетерергә кирәк», - дип белдерде ТР Президенты Рөстәм Миңнеханов.