Фәнил Әһлиуллин ЕГРНга торак пунктлар чикләрен кертү сораулары буенча киңәшмә үткәрде

2021 елның 10 декабре, җомга

ТР Җир һәм мөлкәт мөнәсәбәтләре министрлыгында агымдагы елның 6 декабрендә расланган “РФ аерым закон актларына үзгәрешләр кертү турындагы” 408-ФЗ көчкә керүе сәбәпле киңәшмә узды.

Очрашуда ТР Президенты ярдәмчесе Рөстәм Мирзакриев, ТР Җир һәм мөлкәт мөнәсәбәтләре министры Фәнил Әһлиуллин, министр урынбасары Максим Рогожкин, “ТР Пространство белешмәләре фонды” директоры Айрат Усманов, аның урынбасары Руслан Комаров, Фондның хокукый ярдәм һәм стандартлар эшләтеп чыгару бүлеге җитәкчесе Татьяна Яковлева катнаштылар.

Киңәшмәдә территориаль планлаштыру схемалары аша Бердәм дәүләт күчемсез милек реестрына торак пунктлар чикләрен кертү сораулары тирәнтен өйрәнелеп, алга таба эш планнары билгеләнде.