Дәүләт думасы карталарда чикләрне билгеләү таләпләре турындагы закон кабул итте

     2021 елның 26 маенда Россия Федераль җыены Дәүләт думасы өченче укылышта картографик материалларда чикләрне билгеләү тәртибе таләпләре турындагы законопроект кабул итте. Үзгәртүләр 2015 елның 30 декабрендә чыгарылган “Геодезия, картография, пространство мәгълүматлары һәм РФ аерым закон актларына үзгәртүләр кертү турындагы” 431-ФЗ номерлы Федераль законына кертеләчәк.  

     Хәзерге вакытта геодезия һәм картография өлкәсендәге дәүләт надзоры Россия чикләрен, регионнар һәм муниципаль берәмлекләр территорияләрен  график, фото һәм башка рәвештә, шул исәптән электрон формаларда, карталарда, планнарда, рәсми атласларда күрсәтүне дә тикшерә.

    Шул ук вакытта андый картографик эшләрне үтәү нәтиҗәсендә чыгарылган материалларга рәсми таләпләр юк иде.  

     Әлеге закон кысаларында картографик эшләр башкарылу нәтиҗәсендә алынган материалларны күрсәтүгә таләпләр булдыру өчен нигезләмә ясарга тәкъдим ителә.

     Төзәтмәләр белән әлеге таләпләрне раслаучы оборона өлкәсендә дәүләт сәясәтен, норматив-хокукый җайлауны булдыручы һәм гамәлгә ашыручы башкарма хакимиятнең федераль органы да билгеләнә.

     Закон, рәсми рәвештә бастырылып, 180 көн узгач кына эшли башлаячак. Бу норматив хокукый актлар уйлап табу һәм кабул итү кирәклеге белән бәйле.