Татарстанда «Кызыл гвоздика», «Үлемсез полк», «Җиңү тәрәзәләре» акцияләре узачак
Бөек Ватан сугышында Җиңүнең 76 еллыгы алдыннан республикада тантаналы тематик чаралар үткәрү планлаштырылган.
1 майдан 22 июньгә кадәр ел саен үткәрелә торган «Кызыл гвоздика» Бөтенроссия акциясе уза. Катнашу өчен волонтерлардан, партнер-кибетләрдән, интернет-ресурслардан кәгазь яки металл значоклар сатып алырга мөмкин. Барлык җыелган акчалар Бөек Ватан сугышы ветераннарына медицина ярдәме күрсәтүгә тотылачак.
2021 елның 9 маенда 15: 00 сәгатьтә «Үлемсез полк» онлайн-йөреше узачак. Катнашу өчен 2021 елның 7 маена кадәр «Үлемсез полк» проекты сайтында (2021.polkrf.ru/) гариза бирергә кирәк, ветераннарның фотосурәтләрен ВК (vk.com/polk_app), Одноклассники (ok.ru/app/polk) социаль челтәрләре, яки «хәтер банкы» сайты аша (sber9may.ru/) трансляциягә кертергә мөмкин.
Онлайн флешмоб форматында «Җиңү тәрәзәләре» Бөтенроссия акциясе узачак. Фатир/йорт/офис тәрәзәләрен Бөек Ватан сугышында җиңүгә багышланган рәсемнәр, фоторәсемнәр һәм язулар кулланып бизәргә, һәм фотога төшереп социаль челтәрләрдә тиешле хэштег (#ОкнаПобеды) белән урнаштырырга кирәк.