«Шәһәр төзелеше документларын булдыру актуаль мәсьәләләре» укыту семинары башланды
ТР Җир һәм мөлкәт мөнәсәбәтләре министры урынбасары вазифаларын башкаручы Таһир Хөснетдинов укучылар алдында сәламләү сүзе белән чыгыш ясады. Ул укыту чараларының мөһимлеген билгеләп үтте. "Нәтиҗәлелекне торак пунктларның чикләрен исәпкә кую өлешендә һәм территориаль зоналар чикләрен исәпкә кую өлешендә ачыкларга мөмкин. Әмма бүгенге көндә булган процент бик түбән. Торак пунктларның чикләре турында сөйләсәк, республика буенча 25-26% тан артык түгел", - дип билгеләп үтте ул. Министр урынбасары вазифаларын башкаручы сүзләренә караганда, сан күрсәткечләре генә түгел, сыйфат күрсәткечләре дә мөһим. Моннан шәһәр төзелеше эшчәнлеген тәэмин итүнең мәгълүмати системасын булдыру бәйле: «бүген генераль планнарның һәм җирдән файдалану һәм төзелеш кагыйдәләренең сыйфаты безгә эшләячәк нормаль система булдырырга мөмкинлек бирмәячәк».
15, 16 февральдә Казан (Идел буе) федераль университетының Дәүләт һәм муниципаль идарә югары мәктәбендә «Татарстан Республикасының пространство белешмәләре фонды» ДБУ җирдән файдалану һәм төзелеш кагыйдәләрен, территорияне планлаштыру, төзелеш эшчәнлеген үстерү һәм муниципаль берәмлек территориясендә торак төзелеше өчен шартлар булдыру буенча вәкаләтләрне гамәлгә ашыручы генераль планнарны әзерләү буенча җаваплы вазыйфаи затлар өчен укулар оештыра.